📏點解有呢個活動？
當社會用「厘米」同「英吋」嘅標準嚟框住我哋，令我哋對自己同他者嘅身體產生焦慮嘅時候，我哋可唔可以攞返定義身體嘅主導權？將身體由「被觀看嘅客體」還原為「被感受嘅主體」。今次我哋聚埋一齊，係要透過親密嘅觸碰，去解構嗰啲僵化嘅標準，重新建立一個充滿溫度、接納差異嘅真實身體意象。
🎨今次玩啲咩？
由夬兒藝術家帶隊，一齊進行一場關於身體意象嘅重構實驗！由自製「身體標尺」開始，我地捨棄冰冷嘅工業刻度，用我地嘅手掌同指節去紀錄對方。透過互相測繪鎖骨嘅起伏、擁抱嘅闊度，將呢啲感性嘅數據轉化為文字同圖像，親手製作成一本都獨屬於你地嘅小誌（Zine）。
呢本 Zine 唔單止係一份記錄，更係一份觸覺記憶：我地一齊瓦解社會規訓，擁抱屬於我哋獨一無二嘅身體。
🙋♂️邊個啱玩？
「愛人」不限於情侶，只要有「情感連結」，皆是愛人對象！想加深連結嘅情侶、感情深厚嘅屋企人、無話不談嘅好朋友、或者想用新視角記錄寵物嘅主人，甚至是帶着您一件充滿靈魂與記憶的物件前來參與。只要係想透過觸摸與測量去了解「他者」嘅你，都歡迎參加。
🎨關於藝術家
余律林(Yuuna)的創作探索身體感知與空間政治的相互滲透，試圖在作品中建立一種抵抗性的感知語言。Duo作品《皮膚的內置化》在香港葵青劇院呈現，透過實驗性劇場探討皮膚作為身體與環境的辯證界面。 她擅長以非標準的視角觀察世界，透過空間與身體實驗，挑戰社會對「正常」身體的規訓。透過藝術工作坊連結社群，讓每個人都能在脆弱與差異中，尋回對自身主體的定義權。
名額有限，快啲約埋愛人一齊嚟玩啦！✨
此計劃為c.95d8夬兒社區空間建立計劃的一部分，由c.95d8免費提供場地支持夬兒藝術家舉行活動。夬兒社區空間建立計劃由社創基金資助。
Special Thanks: 本能行動