💡 點解有呢個活動？
當社會用「正常」嘅標準嚟框住我哋嘅時候，我哋可唔可以攞返個主導權？殘(/)酷 Queer Crip 呢個身分，唔係要被憐憫，亦唔係要被治癒，而係一種獨特嘅生命視角。今次我哋聚埋一齊，唔係要學點樣迎合世界，而係要用我哋嘅視角，大聲講出我哋嘅故事。
🎨 今次玩啲咩？
由 PrideLab 聯同 c.95d8夬兒空間帶隊，一齊將內心嘅訴求化作有力嘅文字！我哋會針對通達、自主、隱形小眾、擁抱失能四大主題製作標語牌，用藝術表達我哋嘅訴求！
🙋 邊個啱參加？
LGBT+ 社群成員、身/心受障朋友、對殘(/)酷議題有興趣嘅朋友、想透過創作發聲嘅你
♿ 通達安排
活動場地設有斜道，可供輪椅出入。我哋致力營造一個無障礙且神經多樣性友善（Neurodiversity-friendly）嘅環境。如有任何特別通達需要，歡迎聯絡我哋！
🧑🎨 關於藝術家
陳驚
PrideLab 創辦人及多媒體創作者，致力實踐「藝術行動主義」。他不僅是藝術家，更是策展人與社區組織者；作品以非二元跨性別經驗為錨點，將個體故事與政治倡議交織，透過影像與社群共創，讓邊緣聲音在公共空間發聲，推動性別平等與共融。
PrideLab
PrideLab 成立於 2013 年，植根香港。透過藝術創作、公眾教育及倡議工作，我們致力消除歧視、提升 LGBT+ 社群的能見度，推動香港邁向性／別平等，讓每一個人都能自由而有尊嚴地生活。#BeTheChange
此計劃為 c.95d8 夬兒社區空間建立計劃的一部分，由 c.95d8 免費提供場地支持夬兒藝術家舉行活動。夬兒社區空間建立計劃由社創基金資助。
圖片描述：一張垂直活動海報。中間相片是一名年輕女子在鐵閘前。她全身有大面積刺青，穿著背心露出彩虹飾帶。她高舉寫有中文「同志想遊行」的彩虹手寫牌。她側身向鏡頭微笑，神情篤定。