世界上每一種生命都係一個巨大親族網絡嘅一部分。你喺大自然呢個星群入面會身處邊個位置？又會同邊啲生命最接近？
呢個三小時工作坊會由我哋自身獨特嘅特質出發，例如我哋點樣移動、溝通、表達自己，再將呢啲特質轉化成全新生物嘅藍圖。
透過「Kinship Compass」呢個由全球生物多樣性數據驅動、容易使用嘅數位工具，我哋會將自己嘅特徵同現存生物作配對，搵出同我哋共享某種存在方式嘅生命。
到活動尾聲，工作坊空間會被一齊轉化成一張 Kinship Map，呈現我哋同地球上其他生命之間既美麗又出人意表嘅連結。
🙋 邊個啱參加？
- 喜歡探索新視角嘅你
- 對藝術、生態同「多於人類」議題有興趣嘅你
🎨 關於藝術家
Jen Yoohyun Lee 關注組成世界、但經常被忽略嘅「細小故事」。她透過裝置、社會實驗、工作坊同策展，探索點樣以真誠而細膩嘅方式拉近唔同世界之間嘅距離，並培養對被邊緣化者嘅同理。
此活動為 c.95d8「夬兒社區空間建立」計劃的一部分，由 c.95d8 Crip Space 免費提供場地支持夬兒藝術家舉行活動。夬兒社區空間建立計劃由社創基金資助，並由 Impact Incubator 培育及支援。