💡 點解會有呢個活動？
「同聾人傾偈好麻煩！」
「你聽唔到，我哋份工要溝通，唔適合你。」
「咩半浪漫半性戀啊？明明係你奄尖啫！」
「你隻腳同背脊咁正常，真係有事咩？」
以上呢啲先入為主嘅難聽說話，全部都係真人真事。
唔知大家有無諗過，其實 Crip (夬兒)/受障者，係難以從外表睇得出嘅呢？一個「望落似乎好正常」嘅人，其實都可能有不為人知嘅身體/心理狀況。
大家身邊，又有無認識仼何夬兒呢？
當夬兒唔單止係夬兒，而係同時身兼多重交織身份，就會面對多重嘅壓迫。
今次嘅真人圖書館活動，會由兩位擁有交織身份嘅分享者帶領 — 一位係聾人，另一位係患有馬蹄內翻足同埋脊柱側彎嘅半浪漫半性戀女同志。
我哋會將自己當成圖書，將平時作為多重交織身份受障者，嗰啲長期埋藏喺心底、收埋喺衣櫃入面嘅說話、將自己嘅經歷同故事，逐頁翻開，一一分享俾大家知。
除咗我哋嘅真人圖書分享環節，活動亦設有問答環節同交流時間，大家亦都可以問我哋問題，我哋都好想聆聽每位參加者獨一無二嘅故事同心聲。
🧑🎨 關於藝術家
Nora： 一位香港聾人平面設計師、漫畫家，擅長用畫作、漫畫等方式創作。
Kathy： 香港人、半浪漫者、半性戀者、女同志，患有馬蹄內翻足、脊柱側彎，喜歡用文字創作。
♿ 通達安排
- 場地設有斜道，可供輪椅出入。
- 我哋致力營造一個無障礙嘅環境，如有特別需要歡迎聯絡我哋！
此計劃為 c.95d8 夬兒社區空間建立計劃的一部分，由 c.95d8 免費提供場地支持夬兒藝術家舉行活動。夬兒社區空間建立計劃由社創基金資助。